في البداية هنتكلم بالعامية مش عشان منعرفش نتكلم باللغة العربية الفصحة
(( لا )) !!
عشان احنا من منطقة شعبية واتربينا علي الطبلية
واحنا كا شباب شعبي بنفتخر اننا من منطقة شعبية بنفتخر اننا عرفنا نكمل حياتنا بأقل امكانيات والدنيا خبطط فينا كتير
بس بنغني وعملنا نوع مزيكا لينا مش مهم يعجب كل الناس الاهم انه بيعبر عننا بنقول الواقع لو اتكلمنا عن الحشيش مش معنا كدة اننا بنروج للحشيش او بنعمل دعاية للمخدرات لا !! بس بنوضح صورة موجودة يمكن مش بنعرف نقول مامي وبابي واغلبنا مبيعرفش يقول ماما وبابا حتى وبنوقل امي وابويا او ياما ويابا :)
مش جاهلين و موجودين محدش هيقدر يقلل مننا احنا الاغلبية ياجدعان الدي جى في مصر اصبح شيء واقعي اغلب نجوم المهرجانات من مناطق شعبية الميديا بتجري وراهم علشان عارفين ان ليهم جهور كبير
هتقول فن هابط او مش هابط او او او الخ
هنقولك اعترف بالحقيقة احنا موجودين احنا الشعب احنا المنطقة الشعبية اقولك احنا العشوئيات وجاي تتكلم
لما بنغني عن الحشيش والمخدرات والتحرش والصحاب طب وتقول انتو بيئة انتو بوظتو الفن طب انت كنت فين لما نشأت العشوئيات ولما انتشر الحشيش فين دورك كفاية اننا بنوضح الحقيقة للناس في اغنية هتقولي خبط وترزيع اقول متسمعش الفن ده بس مش هتقدر علشان احنا موجودين في كل مكان في التكاتك والميكروباصات والافراح والمناسبات وفي الميديا كمان
ناس فوق اوي وبتقلدنا هجومك علي المهرجانات كلام مالوش علاقة بالواقع المهرجان موجود ومسموع وليه جمهور يمكن في مهرجانات فيها كلام محدش يقبلو وفيها شتايم بس مش معني كدة اننا نعمم طب ما في بني ادمين حرامية يبقى كل البني
ادمين حرامية ؟!!!!
اكيد لا
وياريت الرسالة تكون وصلت
0 التعليقات:
إرسال تعليق