ابحث في الموقع

Home » » كلمات اغنية المترو زي حياتنا - كلمات واداء القبطان صابر المصري

كلمات اغنية المترو زي حياتنا - كلمات واداء القبطان صابر المصري


الكلمات
وداع ل30 سنة من عمري خلاص عدووفاتو
افتكرت في عيد ميلادي كل صحابي اللي ماتو
افتكرت حد طيب افتكرت كمان حكايته
كان خبرة في كل حاجة ومستفدش من خبراته

صحاب واصغر مني وصحاب كمان من سني
الموت خدهم في شبابهم الموضوع كان مألمني
وقتها كنت مصدوم ومش مستوعب اللي حصل
في تراك رحلة قبطان قولت الموت جه وفصل

تغيير كبير في حياتي قاطعت ناس كتير
اصبحت انطوائي مش حابب التغيير
ديما قاعد بفكر وتعبت من التفكير
بالصدفة وانا في المترو قابلت راجل كبير

فتح حوار وقالي المحطة الجاية ايه
انا سرحان مش مركز معرفتش اجاوب عليه
والمحطة اللي فاتت معرفش كانت ايه
ابتسم قالي عادي مش هتقولي بتسأل ليه

استغربت من اللي قاله قولتله مش مهم
قال يابني ليه مكشر وشايل كدة الهم
قالي اضحك للحياة بلاش تعيش في غم 
وكل دقيقة من عمرك يابني لازم بيها تهتم

اختصرت الحوار وقولتله مش زعلان 
رد قالي اسف يابني لو ضايقتك بالكلام
قولتله لا مش قصدي انا قصدي كله تمام
قالي المترو زي حياتنا ليه قوانين وليه احكام

قالي المترو زي حياتنا كل الناس فيه راكبين
كل واحد ليه محطة و كل الناس مستنين
وكلنا لازم هننزل وكلنا بكدة عارفين
النهاردة في الحياة بكرة اكيد ميتين
لازم تعيش وتفرح وبلاش تعيش حزين
الموت نهاية معروفة لكل البني ادمين
مسلم مسيحي يهودي حتي الملحدين
الكل عارف الموت من الموت متاكدين

ودعني وقال سلام وفضلت افكر في الكلام
حياتنا زي المترو فعلا وصفه كان تمام
بنعيش حياتنا مرة واحدة فا ليه الاستسلام
افرح وفرح غيرك واحلم حقق الاحلام

القصة من تأليفي قصدي بيها تكون مثال
احكام الحياة معروفة فا عيش مرتاح البال
بلاش تستلم للحياة وللـ هموم تكون شيال
في غيرك عاشوا حياتك واتغير بيهم الحال

انجح لنفسك خطط بلاش تعيش مهزوم
بلاش تعلق حزنك علي الحياة وعليها تلوم
مفيش حاجة تستاهل انك تعيش مهموم
حب نفسك حب الناس المحبة اللي بتدوم
اعمل خير الدنيا فانية صلي لربك كل يوم
متفكرش في الاحزان لما تصحي وقبل النوم
فكر ديما في هدفك وبلاش تكون زبون
اشتري حمل تقيل وقع مش قادر يقوم

المترو زي حياتنا
كلمات واداء
القبطان صابر المصري

على اليوتيوب

ساوند كلاود

0 التعليقات:

إرسال تعليق

تابعنا على

الاكثر مشاهدة